Libros para soñar

Lecturas destacadas

Un, dous, tres vampiro ti es - Os esqueletos divertidos

Recomendamos dúas obras de medo e de risa que son perfectas para os máis pequenos no tempo do Samaín. Un, dous, tres, vampiro ti es, de Nadia Budde, preséntanos -a través da rima- unha serie de arrepiantes e simpáticos personaxes que trazan un xogo encadeado. Ademais, Os esqueletos divertidos, un clásico de Janet e Allan Ahlberg, conta as peripecias de tres esqueletos que aproveitan un paseo nocturno para asustar xente.

Enlaces de interese:

Un, dous, tres, vampiro ti es no catálogo de «Libros para soñar»

Os  esqueletos divertidos no catálogo de «Libros para soñar»

Unha longa viaxe

Subtítulos opcionais: galego
Neste programa da sección Libros para soñar presentamos Unha longa viaxe, escrito por Daniel H. Chambers e ilustrado por Federico Delicado. Esta é a dura historia de dúas viaxes paralelas que se entrelazan, protagonizadas por unha gansa e a súa cría que emigran cara ao sur e por unha familia que foxe da guerra cara ao norte. Unha obra necesaria que reflicte o drama dos refuxiados, un conflito tan presente e actual.

Enlaces de interese:
Unha longa viaxe no catálogo de «Libros para soñar»
Ficha de Daniel H. Chambers
Ficha de Federico Delicado