Crónica

Reportaxes monográficas

Federico Martín Nebras - Á sombra das palabras

Subtítulos opcionais: castelán

Na segunda parte desta entrevista, máis persoal e emotiva, Federico Martín Nebras fai un percorrido a través da súa nenez, desde os primeiros anos en La Vera de Plasencia onde estivo en contacto coa cultura popular e aprendeu a ler, ata que foi estudar a Toledo, preto do Texo. O escritor, todo un referente no ámbito da Literatura Infantil e Xuvenil e da animación á lectura, destaca a importancia de aprender xogando e de ter unha infancia chea de palabras. 

Especial XIX Campaña Municipal de Animación á Lectura

Subtítulos opcionais: castelán

KALANDRAKA TV achéganos á XIX Campaña Municipal de Animación á Lectura que organizan o Departamento de Educación e Cidadanía do Concello de Santiago e Kalandraka Editora. Nesta edición, con Cándido e os demais como fío condutor, o alumnado, os docentes e as familias puideron gozar de sesións de contacontos e música, unha ampla exposición das obras galardoadas co Premio Internacional Compostela de Álbum Ilustrado, obradoiros e outras actividades orientadas ao fomento da lectura entre os máis pequenos. Alén diso, O can de Mimo, da autora húngara Mariann Máray, foi a obra galardoada na duodécima edición do certame e será a protagonista da campaña no vindeiro ano.